1xeber.media xəbər verir ki, ABŞ prezidenti Donald Trampın Rusiyaya qarşı hədələri Ukraynadakı münaqişənin sona çatmasına mane ola bilər, amerikalı hərbi analitik Cennifer Kavanaq Unherd portalı üçün məqaləsində bildirib.
"Trampın Rusiyanı qorxutmaq cəhdləri əks-məhsuldardır və onun administrasiyasının əsas prioritetlərinə, o cümlədən ABŞ və Rusiya arasında münasibətləri yaxşılaşdırmaq və Ukraynada müharibəyə son qoymaq səylərinə ziddir", - ekspert yazır.
Onun sözlərinə görə, ABŞ prezidentinin nüvə zərbələri ilə hədələmələri də Vaşinqtonla Moskva arasında əlaqələrin qurulmasına kömək etmir və Rusiya lideri Vladimir Putin bu cür sərt bəyanatlardan sonra danışıqlara daha az maraq göstərəcək.
Bundan əvvəl Donald Tramp Rusiya Təhlükəsizlik Şurasının sədr müavini Dmitri Medvedevin bəyanatlarına cavab olaraq iki nüvə sualtı qayığının yerdəyişməsi barədə göstəriş vermişdi. Onun sözlərinə görə, Amerika sualtı qayıqlarının “müvafiq regionlar”da yerləşdirilməsi potensial təhlükəyə hazır olmaq zərurəti ilə diktə olunur.
