ABŞ prezidenti Donald Tramp iki nüvə sualtı qayığının yenidən yerləşdirildiyini açıqlayıb.
1xeber.media xəbər verir ki, bu, onun Rusiya Təhlükəsizlik Şurasının sədr müavini Dmitri Medvedevin bəyanatlarına cavabıdır. Amerika lideri qərarını “Truth Social” sosial şəbəkəsində açıqlayıb və qeyd edib ki, bu, rusiyalı siyasətçinin “son dərəcə təxribat xarakterli bəyanatlarına” birbaşa cavabdır. Trampın sözlərinə görə, Amerika sualtı qayıqlarının “müvafiq bölgələrdə” yerləşdirilməsi potensial təhlükəyə hazır olmaq zərurəti ilə diktə olunur. O, sualtı qayıqlar üçün konkret yerlər təqdim etməyib. Siyasətçi həmçinin sözlərin çəkisi olduğunu və çox geniş nəticələrə səbəb ola biləcəyini əlavə edərək, ümid etdiyini bildirib ki, bu dəfə belə olmayacaq.
