Tailand və Kamboca sərhəddəki gərginliyin aradan qaldırılmasına dair razılaşmanı təsdiqləyib.
1xeber.media xəbər verir ki, bu barədə avqustun 7-də Tailand təhlükəsizlik xidmətinin nümayəndələrinə istinadən Bloomberg agentliyi məlumat yayıb.
“İki ölkənin yüksək rütbəli təhlükəsizlik rəsmilərinin Kuala-Lumpurda keçirilən görüşündə atəşkəs rejiminə ciddi riayət olunmasını təmin etmək və sərhəddə gərginliyi azaltmaq üçün tədbirlər kompleksi təsdiq edilib”, - nəşr yazır.
Tailandın “Thai PBS” nəşri xəbər verir ki, Təhlükəsizlik və Əməkdaşlıq Şurasının fövqəladə iclasında tərəflər atəşkəslə bağlı 13 bənd üzrə razılığa gəliblər. Hər iki ölkənin nümayəndələri vəziyyətin həlli və sülhün bərqərar olması ümidi ilə anlaşma memorandumu imzalayıblar.
