Üçüncü Dünya Müharibəsindən qaçmaq üçün yeganə ümid Ukraynaya silah tədarükünü davam etdirməkdir. Rusiyanın təcavüzünü ancaq Ukraynaya dəstək verməklə dayandırmaq olar.
1xeber.media xəbər verir ki, bunu amerikalı respublikaçı senator Lindsi Qrem deyib.
Amerikalı senator bəyan edib ki, Ukrayna ordusu hazırda Avropanın ən güclü ordusudur. Onun sözlərinə görə, məhz bu, Rusiyanı qorxu içində saxlayır və növbəti təcavüzün qarşısını alan əsas amildir.
Qrem vurğulayıb ki, Ukraynaya silah tədarükünün davam etdirilməsi III Dünya Müharibəsinin başlanmasının qarşısını almağın yeganə yoludur.
