1xeber.media xəbər verir ki, Avropa diplomatiyasının rəhbəri Kaja Kallas Aİ xarici işlər nazirlərinin görüşündən sonra bildirib ki, Avropa İttifaqı Moskvaya qarşı yeni sanksiyalar üzərində işləyir.
"Avropa İttifaqının xarici işlər nazirləri bu gün ABŞ-ın ədalətli sülhə gətirib çıxaracaq addımlarını dəstəklədiklərini bildiriblər. Eyni zamanda, biz Rusiyaya qarşı əlavə sanksiyalar tətbiq etmək, Ukraynaya hərbi dəstəyi artırmaq, Ukraynanın büdcə ehtiyaclarını ödəmək və onun Aİ-yə daxil olma prosesini təmin etmək üçün daha çox yardım göstərmək üzərində işləyirik", - o, X sosial şəbəkəsində yazıb.
"Transatlantik birlik, Ukraynaya dəstək və Rusiyaya təzyiq - beləcə biz bu müharibəyə son qoyacağıq və Rusiyanın Avropada gələcək təcavüzünün qarşısını alacağıq", - Kallas əlavə edib.
