1xeber.media xəbər verir ki, Avropa diplomatiyasının rəhbəri Kaja Kallas hesab edir ki, Ukraynanın taleyi ilə bağlı istənilən razılaşma Kiyevin iştirakı ilə bağlanmalıdır.
“Aydındır ki, Putin Yer kürəsinin ən güclü adamı ilə, yəni prezident Trampla birgə fotoda olmaq istəyir və o, sanksiyaları təxirə salmaq istəyir, yəqin ki, buna nail olacaq”, - Kallas BBC-yə deyib.
Lakin onun fikrincə, Rusiya prezidenti Vladimir Putinin Trampla görüşdə Ukraynanın parçalanmasına nail olmaq planı baş tutmayacaq. "Ukrayna və Avropa açıq şəkildə bildirdilər ki, Ukraynaya yaraşmayan heç bir şərt qəbul edə bilməzlər. Əgər Ukrayna sazişdə iştirak etməsə, saziş sadəcə olaraq təsdiqlənməyəcək. Ona görə də Ukrayna danışıqlar masası arxasında olmalıdır", - Kallas bildirib.
Avropa diplomatiyası rəhbərinin fikrincə, ərazi güzəştləri yalnız Putini və problemlərin hərbi yolla həllinin digər tərəfdarlarını həvəsləndirəcək. "Aydındır ki, təcavüzkarı təcavüzə görə mükafatlandırmaq olmaz. Əks halda, biz sadəcə olaraq, dünyada daha çox təcavüz görəcəyik".
