ABŞ prezidenti Donald Tramp Macarıstanın baş naziri Viktor Orbanı Ukraynanın Avropa İttifaqına (Aİ) daxil olması ilə bağlı Budapeştin mövqeyini dəyişməyə inandırıb.
1xeber.media xəbər verir ki, bu barədə “Politico” mənbələrə istinadən məlumat yayıb.
“ABŞ prezidenti Donald Trampın indi Ukraynanın Aİ-yə üzvlüyünə qarşı çıxan, lakin Moldovanın üzvlüyünü dəstəkləyəcəyini açıq şəkildə bildirən Macarıstanın baş naziri Viktor Orbanı Kiyevin Aİ-yə daxil olması ilə bağlı mövqeyindən geri çəkilməyə inandırması vəziyyəti dəyişib”, - nəşr avropalı diplomatın sözlərini sitat gətirir.
Digər mənbələrə görə, Kiyevin Aİ-yə daxil olması dalana çevrilib, lakin Budapeştə təzyiq etməklə ondan çıxmaq olar.
Bundan əvvəl Ukrayna və Moldovanın Aİ-yə daxil olması ilə bağlı danışıqların tezliklə başlaya biləcəyi bildirilirdi. Fransız diplomatın sözlərinə görə, qərarlar “yaxın günlərdə və ya həftələrdə” veriləcək.
