İstanbulun Çekmeköy rayonunda yerləşən restoranların birində cinayət hadisəsi baş verib.
1xeber.media Türkiyə mətbuatına istinadən xəbər verir ki, Respublika prokuroru, 58 yaşlı Ercan Kayhan ədavəti olduğu Mustafa Can G. (19 yaş) tərəfindən boğazından bıçaqlanaraq qətlə yetirilib.
Çağlayandakı İstanbul Ədliyyə Sarayının Ümumi İstintaq Bürosunda çalışan prokuror Kayhan hadisə yerində həyatını itirib. Məlumata görə, şübhəli Mustafa Can G. hadisədən dərhal sonra cinayət aləti ilə birlikdə polis tərəfindən yaxalanaraq saxlanılıb.
Onun 3 cinayət qeydi olduğu və bir müddət həbsxanada qaldığı, həmçinin hadisənin baş verdiyi restoranda 2 il ofisiant kimi işlədiyi müəyyən edilib.
Faktla bağlı araşdırma başlanılıb.
