Hava hücumundan müdafiə qüvvələri Qara dəniz üzərində bir neçə PUA-nı ələ keçirib, Soçidə itki yoxdur, şəhər meri Andrey Proşunin bildirib. Dağıstanın rəhbəri Sergey Melikov da öz növbəsində Kaspiyskdəki obyektlərə pilotsuz təyyarə ilə hücum etmək cəhdindən danışıb."Soçidə itki yoxdur, şəhərin bütün infrastrukturu normal işləyir", - Proşunin Telegram kanalında yazıb.
1xeber.media xəbər verir ki, Melikov, həmçinin Kaspiyskdəki obyektlərə PUA-nın “daha bir uğursuz hücum cəhdi” nəticəsində dağıntılar və tələfatlar barədə məlumatın olmamasına diqqət çəkib."Mən məsul orqanlarla daim əlaqə saxlayıram, biz respublika sakinlərinin təhlükəsizliyini təmin etmək üçün hər şeyi edirik", - Dağıstan rəhbəri əlavə edib.Kaspiyskə pilotsuz təyyarə hücumundan sonra Mahaçqala hava limanı uçuşların qəbulunu və yola salınmasını dayandırıb, lakin sonradan fəaliyyətini bərpa edib.
Müdafiə Nazirliyi səhər saatlarında bildirib ki, bir gecədə 11 Ukrayna pilotsuz təyyarəsi məhv edilib. Departamentin məlumatına görə, 8 PUA Belqorod vilayəti ərazisində, 3-ü isə Qara dəniz üzərində məhv edilib.
