İstanbulda kirayə evlərin həddindən artıq bahalaşmasının qarşısını almaq üçün dövlət tərəfindən ilk sosial kirəyə mənzillər inşa ediləcək.
1xeber.media xəbər verir ki, bunu Türkiyə Prezidenti Rəcəb Tayyib Ərdoğan deyib.
“Artıq dövlət olaraq vətəndaşlarımızı kirayə evlə təmin edəcəyik. Layihəni TOKİ həyata keçirəcək. Ümumilikdə 81 vilayətdə 500 min sosial mənzil inşa etməyi planlaşdırırıq. İstanbulda həddindən artıq yüksək kirayələrə nəzarət etmək üçün kirayə ev kampaniyasına başlamışıq. Təfərrüatı yaxın günlərdə paylaşacağıq”, - Ərdoğan əlavə edib.
