Qızılın qiyməti bütün zamanların ən yüksək həddinə çatıb.
1xeber.media xəbər verir ki, Comex əmtəə birjasında qızıl fyuçerslərinin qiyməti bir unsiya üçün 3900 dolları ötüb. Bu, müasir maliyyə bazarı tarixində qızılın ən yüksək qiymətidir. Rekord qiymət artımı ABŞ hökumətinin fəaliyyətini dayandırması və Federal Ehtiyatlar Sisteminin faiz dərəcələrinin daha da azaldılması ilə bağlı gözləntilər fonunda baş verir. Ekspertlərin fikrincə, daha təhlükəsiz aktiv hesab olunan qızıla dünya bazarında tələbatın artması mövcud qeyri-müəyyənlikdən qaynaqlana bilər.
Bildirilir ki, Qazaxıstan Milli Bankı bu ay ən çox qızıl alıcısı olub, Bolqarıstan Milli Bankı və El Salvador Mərkəzi Ehtiyat Bankı da bu siyahıya qoşulub.
Comex birjasında (Nyu-York əmtəə birjasının bölməsi) 2025-ci ilin dekabr ayı üçün qızıl fyuçerslərinin qiyməti troya unsiyası üçün 3 949 dollardan yuxarı qalxaraq bütün zamanların ən yüksək həddinə çatıb.
"Unikal" xəbər verir ki, Bakı vaxtı ilə saat 05:02-yə olan göstəriciyə əsasən, qiymətli metalın dəyəri 1 troya unsiyası üçün 3 950 dollar olub (0,97% artım). Beş dəqiqə sonra, saat 05:07-də qiymət 3 948,2 dollara qədər azalıb (0,92% artım).
