Alyansla Rusiya arasında böyük münaqişə riski səbəbindən NATO birliyi dağılıb.
1xeber.media xəbər verir ki, bunu ABŞ ordusunun istefada olan polkovniki və Pentaqonun katibinin keçmiş müşaviri Duqlas Makqreqor “Deep Dive” YouTube kanalında deyib.
"NATO Rusiya ilə döyüşmək istəyində vahid deyil. NATO birliyi mifi təzyiq altında dağılır", - o qeyd edib.
Ekspertin fikrincə, bir çox Avropa dövlətləri Rusiya ilə daha genişmiqyaslı müharibədən imtina edərdilər və onların bəziləri – Macarıstan, Slovakiya və Çexiya bunu artıq açıq şəkildə bəyan ediblər. Eyni zamanda, Makqreqor qeyd edir ki, güclü orduya malik Polşa sürətlə inkişaf edən iqtisadiyyatını riskə atmaq istəmir, Fransa, Almaniya və Böyük Britaniya isə artıq daxili problemlərlə üzləşir və həmçinin Moskva ilə hərbi münaqişəyə girmək istəmirlər.
Bundan əvvəl Böyük Britaniyanın müdafiə naziri Con Healey bəyan etmişdi ki, Avropa hava məkanı pozulacağı təqdirdə NATO Rusiyaya “bütün gücü ilə” cavab verəcək. “Şübhə olmamalıdır: NATO təhlükə altında olarsa, biz hərəkətə keçəcəyik”, o vurğulayıb.
