Oktyabrın 15-də Günəşdə gün ərzində üçüncü dəfə M sinifinə aid güclü radiokativ partlayış qeydə alınıb.
1xeber.media xəbər verir ki, bu barədə Rusiya Tətbiqi Geofizika İnstitutu məlumat yayıb.
Hadisə Moskva vaxtı ilə 18:10-da Günəşin 4246 nömrəli ləkə qrupunda (N22W50) baş verib və 25 dəqiqə davam edib.
Xatırladaq ki, Rusiya Elmlər Akademiyasının Kosmik Tədqiqatlar İnstitutunun alimləri daha əvvəl xəbərdarlıq etmişdilər ki, oktyabrın 15-də Günəş partlayışların intensivliyi son ayların ən yüksək səviyyəsinə çatacaq.
