1xeber.media xəbər verir ki, Oktyabrın 22-də NATO-nun baş katibi Mark Rutte bəyan edib ki, Ukrayna avropalı müttəfiqləri tərəfindən maliyyələşdirilən təchizat sxemi vasitəsilə 2 milyard dollar dəyərində Amerika silahı ala bilərdi.
"Ukraynaya gəlincə, prezident Donald Tramp yenidən Ukraynaya silah göndərmək qərarına gəlib, lakin onun pulunu müttəfiqləri ödəyib. Biz bu layihə üzərində çox ciddi işləyirik. Müttəfiqləri tərəfindən maliyyələşdirilən ilk bir neçə milyard ABŞ dolları dəyərində [silahlar] artıq Ukraynaya çatdırılıb", - RİA Novosti onun sözlərini sitat gətirir.
Qeyd olunur ki, Rusiya tərəfinin fikrincə, Ukraynaya silah tədarükü NATO ölkələrinin də iştirak etdiyi münaqişənin həllinə mane olur.
