Çeçenistan lideri Ramzan Kadırov rusiyalıları Milli Birlik Günü münasibətilə təbrik edib.
1xeber.media xəbər verir ki, O, noyabrın 4-də Telegram kanalında yazı dərc edib.
Regional lider qeyd edib ki, bu gün “Rusiya xalqının birliyini və gücünü, Vətəni, onun şərəfini, imanını, müstəqilliyini müdafiə edərək istənilən çağırışlara qalib gəlmək bacarığını simvollaşdırır”.
Siyasətçi vurğulayıb ki, “Rusiya əsrlər boyu müxtəlif millətlərin, mədəniyyətlərin və dinlərin nümayəndələrinin sülh və əmin-amanlıq şəraitində yaşadığı xalqların qardaşlığının nümunəsi olub və belə də qalır”. O, qarşılıqlı hörmətə və mənəvi yaxınlığa əsaslanan müxtəlifliyi Rusiya cəmiyyətinin möhkəm təməli kimi xarakterizə edib.
Onun fikrincə, rusların gücü və böyük tarixi missiyası birlikdədir. “Biz Vətənə məhəbbətimizdə həmrəyik və bizi yenilməz edən də bu birlikdir”, - deyə respublika rəhbəri yazıb. O, Rusiya Federasiyasının bütün vətəndaşlarını bayram münasibətilə təbrik edib, onlara cansağlığı, xoşbəxtlik, sülh, firavanlıq, yeni nailiyyətlər arzulayıb.
Bundan əvvəl Kadırovun Qroznıda açılmış lüks avtomobil icarəsi biznesinə baş çəkdiyi bildirilirdi. O, 45 avtomobildən ibarət parkı videoda nümayiş etdirib.
