1xeber.media xəbər verir ki, onun mətbuat katibi Dmitri Peskov TASS-a bildirib ki, Rusiya prezidenti Vladimir Putin nüvə sınaqlarına hazırlıq barədə göstəriş verməyib.
"Vurğulamaq istəyirəm: prezident sınaqlara hazırlıq barədə göstəriş verməyib. Prezident göstəriş verib ki, bu cür sınaqlara hazırlığın başlanmasının məqsədəuyğunluğu yoxlanılsın", - Kreml sözçüsü izah edib.
Bundan əvvəl müdafiə naziri Andrey Belousov Rusiya Təhlükəsizlik Şurasının iclası zamanı tammiqyaslı nüvə sınaqlarına hazırlığa başlamağın məqsədəuyğun olduğunu bəyan edib. Putin məruzəsini dinlədikdən sonra Müdafiə Nazirliyinə, eləcə də Xarici İşlər Nazirliyinə və mülki qurumlara bu məsələ ilə bağlı təkliflər hazırlamağı tapşırıb. Prezident izah edib ki, ilk növbədə əlavə məlumatlar toplanıb təhlil edilməlidir.
Baş Qərargah rəisi Valeri Gerasimov da öz növbəsində görüş zamanı vurğulayıb ki, nüvə sınaqlarına hazırlıq bir neçə aydan bir neçə ilə qədər davam edə bilər.
Oktyabrın 30-da ABŞ prezidenti Donald Tramp digər ölkələrlə “bərabər əsaslarla” dərhal nüvə silahlarının sınaqdan keçirilməsinə göstəriş verdiyini açıqlayıb. O, həmçinin bildirib ki, ABŞ hazırda ən böyük nüvə silahı arsenalına malikdir, lakin Çin yaxın beş ildə onlara çata bilər.
