“MİDA” MMC Abşeron rayonunun Saray qəsəbəsində 4,5 hektarlıq ərazidə çoxmənzilli yaşayış kompleksinin inşası ilə bağlı tenderin qalibi kimi “GM Construction” MMC-ni seçib.
Layihəyə 8 və 9 nömrəli 16 mərtəbəli, həmçinin 10, 11 və 12 nömrəli 12 mərtəbəli yaşayış binalarının, eləcə də 13 nömrəli 1 mərtəbəli qeyri-yaşayış binasının tikintisi daxildir.
1xeber.media məlumatın görə, tərəflər arasında 31.255.488,01 AZN dəyərində müqavilənin bağlanacağı gözlənilir.
Sənədlər şirkətlə bağlı diqqətçəkən başqa bir məqamı da ortaya çıxarıb. Belə ki, tenderin qalibi olan “GM Construction” MMC-nin dövlət büdcəsinə 116.139,45 AZN məbləğində vergi borcu mövcuddur.
Vergi borcu olan şirkətin MİDA-nın çoxmilyonluq layihəsində podratçı seçilməsi suallar doğurur.
Bildirək ki, şirkətin qanuni təmsilçisi Hafiz Nəzərli Akif oğludur.
32gun.az
