1xeber.media xəbər verir ki, Türkiyə prezidenti Rəcəb Tayyib Ərdoğan Qaziantepdə keçirilən regional konqresdə Suriyada sülhün əldə olunmasının tərəfdarı olduğunu bildirib və qonşu ölkəyə qarşı heç bir ərazi iddiasının olmadığını bəyan edib.
Bu barədə Türkiyənin TRT Haber portalı məlumat yayıb.“Biz heç bir ölkənin çınqıllarına belə iddia etmirik. Qonşumuz Suriyanın 13 ildir can atdığı sülh və əmin-amanlığa nail olmasını istəyirik.
Biz Hatayın rifahını düşündüyümüz kimi, Həma, Homs, Dəməşq, Rakka və Aynularabın da təhlükəsiz olmasını istəyirik”, – nəşr Türkiyə liderinin sözlərindən sitat gətirir.Ərdoğan həmçinin əlavə edib ki, Suriya bütün etnik və dini elementləri ilə suriyalılara məxsusdur.
