Belçikanın "Le Soir" qəzeti mənbələrə istinadən xəbər verir ki, NATO kəşfiyyat agentlikləri Rusiyanın bəzi dondurulmuş aktivlərinin saxlandığı Euroclear depozitarının əməkdaşlarını izləməyə başlayıb.
1xeber.media xəbər verir ki, Qəzet iddia edir ki, "2015-2024-cü illər arasında bu fransız Euroclear əməkdaşı Rusiyaya 155 gediş-dönüş uçuşu həyata keçirib. NATO üzvü olan bir ölkədən olan kəşfiyyatçı bu səfərləri şübhəli hesab edib".
Qəzetin yazdığına görə, Rusiyaya səfər etdiyi iddia edilən əməkdaş şəxsi məqsədlərlə səfərdə olub və rəhbər vəzifə tutmur.
Bundan əvvəl Euroclear Avropa Komissiyasını Rusiya aktivlərindən istifadə ilə bağlı beynəlxalq hüquq normalarına riayət etməyə çağırıb.
