ABŞ prezidenti Donald Tramp Qazaxıstan lideri Kasım-Jomart Tokayevə bir neçə hədiyyə göndərib.
1xeber.media xəbər verir ki, bu barədə Qazaxıstan Prezidentinin mətbuat katibi Ruslan Jeldibay məlumat verib.
Onun sözlərinə görə, etimadnaməsinin təqdim edilməsindən sonra qısa söhbət zamanı Donald Tramp bu ilin noyabr ayında Oval Ofisdə Tokayevlə görüşü ilə bağlı təəssüratlarını Qazaxıstan səfiri Maqjan İlyasovla bölüşüb.
Amerika lideri Qazaxıstan Prezidentinə xoş arzularını çatdırıb, hörmətini vurğulayıb və onu "beynəlxalq prosesləri dərin və balanslı şəkildə anlayan gözəl insan və təcrübəli dövlət xadimi" kimi səciyyələndirib.
ABŞ prezidenti həmçinin Kasım-Jomart Tokayevə bir neçə hədiyyə, o cümlədən Ağ Evin simvolik açarı və imzası olan beysbol papağı göndərib.
