Adanın gələcəyi ilə bağlı məsələlərə yalnız Danimarka və Qrenlandiya qərar verməlidir.
1xeber.media xəbər verir ki, Fransa, Almaniya, İtaliya, Polşa, İspaniya, Böyük Britaniya və Danimarka ABŞ-ın Qrenlandiya ilə bağlı iddialarına cavab olaraq bu bəyanatla çıxış ediblər.
“Qrenlandiya öz xalqına məxsusdur və Danimarka və Qrenlandiya ilə bağlı məsələlərə dair qərarları yalnız Danimarka və Qrenlandiya qəbul etməlidir”, - bəyanatda deyilir.
Avropa liderləri həmçinin bəyan ediblər ki, Arktika təhlükəsizliyi ərazi bütövlüyü və sərhədlərin toxunulmazlığı prinsiplərini təsbit edən BMT Nizamnaməsinə əsaslanan birgə səylərlə təmin edilməlidir.
Yanvarın 4-də ABŞ prezidenti Donald Tramp Qrenlandiyanın Amerika dövləti üçün vacib olduğunu elan edib. Daha sonra Danimarkanın baş naziri Mette Frederiksen Qrenlandiyanın ələ keçirilməsi ilə bağlı söhbətləri mənasız adlandırıb və “tarixi yaxın müttəfiqə” qarşı təhdidlərə son qoymağa çağırıb.
