Bakı Ağır Cinayətlər Məhkəməsinin hökmü ilə 14 il azadlıqdan məhrumetmə cəzasına məhkum olunmuş “Baku Steel Company” MMC-nin (poladəritmə zavodu) Müşahidə Şurasının keçmiş sədri Rasim Məmmədov azadlığa çıxmaq istəyir.
1xeber.media gununsesi.info-ya istinadən iş adamı bunun üçün Prezident İlham Əliyevə əfv ərizəsi yazıb.
Rasim Məmmədov əfv ərizəsində dövlətə və hakimiyyətə sədaqətindən bəhs edərək, ölkə başçısı tərəfindən bağışlanılmasını xahiş edib.
Qeyd edək ki, Rasim Məmmədov “Baku Steel Company”dən 185 milyon manatlıq yeyintidə təqsirli bilinərək 14 il azadlıqdan məhrum edilib.
Hökmə əsasən, Rasim Məmmədovun təxminən 70 milyon manatlıq əmlakı da müsadirə olunub. Onların arasında aşağıdakı daşınmaz əmlaklar var:
Sumqayıtda yerləşən zavod;
Xəzər rayonu, Mərdəkan və Şüvəlan qəsəbələrində yerləşən bağ evləri;
Ziya Bünyadov prospektində 2600 kv.metr ərazisi olan qeyri-yaşayış sahəsi;
Sabunçu qəsəbəsində obyekt;
Azadlıq prospekti 54 ünvanında mənzil;
Əhməd Cavad küçəsində mənzil;
Badamdar qəsəbəsi, Abbasqulu Abbaszadə küçəsində yerləşən “Baku Oxford School”un binası…
Təkcə məktəbin binası istintaq dövründə 22 milyon manat qiymətləndirilib.
