Rusiyanın "Oreshnik" raket sisteminin hədəf aldığı Lvov Dövlət Aviasiya Təmiri Zavodu sıradan çıxarılıb.
1xeber.media xəbər verir ki, Hücumun təfərrüatları aif.ru saytına istinadən Rusiyanın Əməkdar Hərbi Pilotu, General-mayor Vladimir Popov tərəfindən açıqlanıb.
"Zavod ciddi itkilər verib və dron istehsalı dayandırılıb. Bu, bizim üçün çox vacib göstəricidir", - deyə o bildirib.
Onun sözlərinə görə, "Oreshnik" təyyarə təmiri zavodunu, uçuş-enmə zolağını və bəzi təyyarə dayanacaqlarını sıradan çıxarıb. Ekspert qeyd edib ki, bu, bütün kompleksin işini ləngidib.
Əvvəlcə bildirilirdi ki, Rusiya ordusu 9 yanvar gecəsi Ukraynaya kütləvi hücum zamanı Lvov bölgəsindəki Bilçe-Volıtsko-Uqerske yeraltı qaz anbarına "Oreshnik" raketi atıb. Lakin sonradan ballistik raketin təyyarə təmiri zavodunu hədəf aldığı barədə məlumatlar ortaya çıxıb. 12 yanvarda Müdafiə Nazirliyi "Oreshnik"in obyektə zərbə endirdiyini təsdiqləyib.
