1xeber.media xəbər verir ki, Rusiya Təhlükəsizlik Şurasının katibi Sergey Şoyqu iranlı həmkarı Əli Laricani ilə telefon danışığı aparıb və xarici qüvvələrin İslam Respublikasının daxili işlərinə müdaxilə cəhdlərini pisləyib.
Rusiya Təhlükəsizlik Şurasının mətbuat xidmətinin verdiyi açıqlamada deyilir: "12 yanvarda Rusiya Təhlükəsizlik Şurasının katibi Şoyqu İran Ali Milli Təhlükəsizlik Şurasının katibi Əli Laricani ilə telefon danışığı aparıb. O, xarici qüvvələrin İslam Respublikasının daxili işlərinə müdaxilə etmək üçün daha bir cəhdini qətiyyətlə pisləyib".
Şoyqu həmçinin ölkə daxilində baş verən etirazlar nəticəsində baş verən çoxsaylı itkilərlə bağlı Laricaniyə başsağlığı verib. Söhbət zamanı Rusiya Təhlükəsizlik Şurasının katibi "Moskvanın Tehranla ikitərəfli əməkdaşlığı inkişaf etdirməyə hazır olduğunu" vurğulayıb. Tərəflər "təhlükəsizliyi təmin etmək üçün" əlaqələri davam etdirmək və mövqelərini əlaqələndirmək barədə razılığa gəliblər.
Bir müddət əvvəl İran Parlamentinin sədri Məhəmməd Bağır Qalibaf Tehranın ABŞ-ın İslam Respublikasına mümkün hücumuna cavab verməyə və Trampa "unudulmaz dərs" verməyə hazır olduğunu bildirib.
