Bolqarıstan Konstitusiya Məhkəməsi prezident Rumen Radevin istefasını rəsmi olaraq təsdiqləyib.
1xeber.media xəbər verir ki, məhkəmənin qərarına əsasən, onun səlahiyyət müddəti 23 yanvar 2026-cı ildə vaxtından əvvəl başa çatır.
Konstitusiyaya uyğun olaraq, vitse-prezident İliana Yotova avtomatik olaraq prezidentlik vəzifəsini icra etməyə başlayıb. O, Bolqarıstan tarixində prezidentlik vəzifəsini tutan ilk qadın olub.
Radevin gözlənilən istefası 19 yanvarda elan edilib. Bolqarıstan konstitusiyasına görə, prezident istefa verə bilər, bundan sonra vitse-prezident səlahiyyət müddətinin qalan hissəsini icra edir.
2025-ci ilin dekabr ayında Bolqarıstanın keçmiş Baş naziri Rosen Jelyazkov, hökumətin iqtisadi siyasətinə və korrupsiyaya qarşı mübarizədəki uğursuzluğuna qarşı həftələrlə davam edən kütləvi küçə etirazları fonunda, vəzifəyə başladıqdan bir ildən az müddət sonra hökuməti ilə birlikdə istefa verib.
