1xeber.media xəbər verir ki, Rusiya neftini daşıyan "Progress" tankeri Aralıq dənizində idarəetməni itirib.
Agentliyin məlumatına görə, tanker hazırda təxminən 730.000 barel Rusiyanın Urals markalı xam nefti daşıyır. Gəmi Rusiyadan enerji resursları daşıdığına görə sanksiyalara məruz qalır.
Agentliyin əldə etdiyi izləmə məlumatlarına görə, "Progress" 21 yanvarda Əlcəzairi keçib, bundan sonra qəfildən şimala dönüb və gəmiçilik zolaqlarını tərk edib. 22 yanvar səhəri onun naviqasiya statusu "İdarədən kənar" olaraq dəyişib və sürəti təxminən bir düyünə (saatda 1,85 kilometrə) düşüb. Gəmi hazırda yavaş-yavaş şərqə doğru hərəkət edir.
Daha əvvəl Fransa prezidenti Emmanuel Makron Fransa Hərbi Dəniz Qüvvələrinin Aralıq dənizində Rusiyadan gələn bir neft tankerini saxladığını açıqlayıb.
