Yeni Azərbaycan Partiyası (YAP) Gəncə şəhər təşkilatının və Gəncə Şəhər İcra Hakimiyyətinin birgə təşkilatçılığı, Gəncə Tibb Kollecinin dəstəyi ilə 2 Fevral - Azərbaycan Gəncləri Gününə həsr olunmuş tədbir keçirilib.
1xəbər verir ki, xəbər verir ki, Gəncə Tibb Kollecinin “Gənclər Evi”ndə baş tutan tədbirdə Azərbaycan Respublikasının Dövlət Himni səsləndirilib. Ümummilli Lider Heydər Əliyevin və ölkəmizin ərazi bütövlüyü, suverenliyi uğrunda canlarından keçmiş şəhidlərin xatirəsi bir dəqiqəlik sükutla yad edilib.
Tədbirdə Gəncə Şəhər İcra Hakimiyyəti başçısının müavini Adil Tağıyev, YAP İdarə Heyətinin üzvü, partiyanın Gəncə şəhər təşkilatının sədri Bayram Aslanov, Gəncə Tibb Kollecinin direktoru, Əməkdar həkim Mehman Rzayev, Gəncə-Daşkəsən Regional Təhsil İdarəsinin rəisi Elçin Kərimov çıxış ediblər.
Çıxışlarda Ulu Öndər Heydər Əliyevin əsasını qoyduğu dövlət gənclər siyasətinin mərkəzində savadlı, vətənpərvər, milli-mənəvi dəyərlərə bağlı və müasir düşüncəli gəncliyin dayandığı vurğulanıb. Qeyd edilib ki, müstəqil Azərbaycan dövləti gənclərin bacarıq və intellektual potensialının reallaşması üçün hər zaman geniş imkanlar yaradıb, bu təbəqəyə daim diqqət və qayğı ilə yanaşıb. Dövlət gənclər siyasətinin bu gün Prezident İlham Əliyev tərəfindən uğurla davam etdirildiyi bildirilib, gənclərin ölkənin ictimai-siyasi həyatında fəal iştirakından, mədəniyyət, təhsil, idman və digər sahələrdə qazandıqları nailiyyətlərdən bəhs edilib.
Sonra Gəncə şəhərinin ictimai-siyasi və mədəni həyatında fərqlənən gənclər mükafatlandırılıb. Partiya sıralarına yeni qoşulan bir qrup gəncə üzvlük vəsiqələri verilib.
Tədbir bədii hissə ilə davam edib.
