Ümummilli Lider Heydər Əliyevin anım günü münasibətilə Strateji Obyektlərin Mühafizəsi Dövlət Agentliyinin şəxsi heyəti Fəxri xiyabanı ziyarət edib, məzarı üzərinə əklil və gül dəstələri qoyub, xatirəsini dərin hörmət və ehtiramla anıb.
Dövlət Agentliyinin mətbuat xidmətindən 1xeber.media bildirilib ki, daha sonra qurumun rəisi, general-mayor İlqar Abbasov görkəmli oftalmoloq alim, akademik Zərifə xanım Əliyevanın da məzarı üzərinə gül dəstəsi qoyub.
Sonra Ümummilli Lider Heydər Əliyevin anım günü ilə bağlı tədbir Agentliyin aparatında davam edib.
Tədbirin sonunda Ümummilli Liderin xatirəsinə həsr olunmuş sənədli film nümayiş etdirilib.
