İranın ABŞ ilə nüvə sazişi nüvə proqramının dinc xarakterli olması barədə razılığa sadələşdirilməli və sanksiyaların ləğvini də əhatə etməlidir.
1xeber.media xəbər verir ki, bunu İranın xarici işlər naziri Abbas Əraqçi CBS-ə verdiyi müsahibədə bildirib.
O deyib: "Əsas məsələlərdə razılığa gələ bilərik: İranın nüvə proqramı dinc xarakter daşıyır və əbədi olaraq dinc qalacaq, daha çox sanksiyalar isə qaldırılacaq".
Əraqçinin sözlərinə görə, Birgə Hərtərəfli Fəaliyyət Planının (BHFP) bağlanmasından 10 il keçib və bu müddət ərzində İranın nüvə proqramı irəliləyib.
İran xarici işlər naziri həmçinin bildirib ki, Tehranın nüvə proqramından imtina etmək niyyəti yoxdur və uranın zənginləşdirilməsi İslam Respublikasının suveren hüququdur.
