1xeber.media xəbər verir ki, 4 mart tarixində Rusiyada ictimai xəbərdarlıq sistemlərinin genişmiqyaslı sınağı keçiriləcək.
Bəyanatda deyilir: "Rusiyanın bölgələrində ictimai xəbərdarlıq sistemlərinin planlaşdırılmış genişmiqyaslı sınağı keçiriləcək. Xəbərdarlıq sistemi təbii və ya texnogen mənşəli təhlükə və ya fövqəladə hallar zamanı ictimaiyyəti dərhal xəbərdar etmək üçün nəzərdə tutulub".
Sınaq zamanı sirenlər və səsgücləndiricilər işə salınacaq, televiziya və radio yayımları müvafiq məlumatverici elanlarla əvəz olunacaq. Nazirlik vurğulayıb ki, sistemlərin işlək vəziyyətdə olmasını təmin etmək üçün bu cür sınaqlar müntəzəm olaraq keçirilir.
Xəbərdarlıq sistemlərinin əvvəlki sınağı 1 oktyabr 2025-ci ildə keçirilib. Həmin vaxt Fövqəladə Hallar Nazirliyi rusiyalıları sakit olmağa və panikaya düşməməyə çağırıb.
