Abşeron Rayon Mərkəzi Xəstəxanasında travmatoloji xidmətin saat 15:00-dan, reanimasiya şöbəsinin isə 19:00-dan sonra fəaliyyət göstərmədiyi iddia olunur.
1xeber.media xəbər verir ki, mənbələr bildirirlər ki, bu məhdudiyyətlər xəstələr üçün ciddi narahatlıqlar yaradır, çünki təcili hallarda mərkəzə müraciət edən və ya əməliyyat tələb edən şəxslər lazımi tibbi xidməti tam şəkildə ala bilmir.
İddialara görə, məhdudiyyətlərin mövcud olmasına baxmayaraq, mərkəzdə “xüsusi xəstələr” üçün protez əməliyyatlarının davam etdirilməsi halları qeydə alınıb. Bu vəziyyət, prosesin məqsədli şəkildə idarə olunduğu və müəyyən xəstələrə üstünlük verildiyi ehtimallarını gücləndirir. Mənbələr bildirir ki, əməliyyatlar adətən müəyyən şəxslər üçün planlaşdırılır və bunun digər xəstələrə tətbiq olunmaması narazılığa səbəb olur.
Məsələ ilə bağlı sorğumuza hələ ki cavab verilməyib.
nocomment.az
