1xeber.media xəbər verir ki, ABŞ ordusunun təqaüddə olan polkovnik-leytenantı Daniel Devis sosial media platforması X-də bildirib ki, Prezident Donald Trampın İranla sülh müqaviləsi pozularsa, neft quyularına, elektrik stansiyalarına və Xarq adasına hücum etmək niyyətini açıqlamasına Amerika siyasətçilərinin reaksiya verməməsi "ən böyük həyəcan zəngi"dir.
O, amerikalıları "həssassızlıqlarına" görə tənqid edərək, onların "başqa bir ölkədə mülki şəxsləri qırmaq niyyətinə razı olduqlarını" iddia edib.
Devis soruşub: "Niyə ABŞ prezidentinin ən ağır müharibə cinayətləri törətmək niyyəti ilə bağlı bu cür açıq açıqlaması Amerikada nə sağdan, nə də soldan bir dənə də olsun qınaqedici şərhə səbəb olmayıb?".
İran xarici işlər naziri Abbas Əraqçi daha əvvəl Tehranın hələ də 15 tələbdən ibarət olan ABŞ təklifinə cavab vermədiyini bildirib. O, əlavə edib ki, İran Vaşinqtona planına cavab olaraq heç bir əks şərt irəli sürməyib.
Daha əvvəl Rusiya prezidenti Vladimir Putin bildirmişdi ki, hərbi əməliyyatların gözlənilməz nəticələrinə görə ABŞ-İran müharibəsinin nəticələri koronavirus epidemiyası ilə müqayisə edilə bilər.
