“Yeni Müsavat” Media Qrupunun rəhbəri Rauf Arifoğlu özünün Facebook səhifəsində keçirdiyi bildirilən əməliyyat barədə açıqlama yayıb.
1xeber.media açıqlamanı təqdim edir:
Sitat: “Dəyərli Dostlar! “Cəbhəçi – Qumçu” ittifaqının xaricdə yaşayan ünsürləri, itləri saxta foto yayaraq, əməliyyat olunduğumu “xəbər” veriblər. Öz aralarında da çoxsaylı paylaşım edərək, bunu tirajlamaqdadırlar. Uzun müddət idi başları özlərinə qarışmışdı; görünür, yenidən ideoloji təxribatlara komanda verənlər var… Bu saxta foto və məlumata inanan, narahat olan, yazan dostlar, qohumlar tanışlar da var. Bildirirəm ki, heç bir əməliyyat keçirməmişəm, sağlamam, bu saxta və axmaq məlumatı yayan, onlara dəstək olan ünsürlər barədə də bütün platformalarda şikayət etmişəm. Bu da dünən axşam saat 21 radələrində yürüş zamanı çəkdirdiyim foto”.
