İllərdir ekranda ABŞ əsgərini canlandıran Tom Kruz indi real həyatda qəhrəmana çevrilib.
1xeber.media xəbər verir ki, Hollivud filmlərinin axtarılan siması olan Tom Kruz ABŞ Hərbi Dəniz Qüvvələri tərəfindən nüfuzlu mükafata layiq görülüb.
"Top Gun" ulduzuna Londonda keçirilən mərasimdə Birləşmiş Ştatların Hərbi Dəniz Qüvvələri tərəfindən "Distinguished Public Service Award" (DPS) təqdim edilib. Hərbi Dəniz Qüvvələrinin katibi Karlos Del Toro mükafatı Kruza təqdim edərək, "Tom Kruzun işi bir çox nəsilləri Dəniz Qüvvələrində xidmət etməyə ruhlandırır", - deyib.
Məlumata görə, Kruz 1986-cı ildə çəkilmiş "Top Gun" filmindəki rolu sayəsində o dövrdə bir çox gəncin orduya qatılmasında xüsusilə təsirli olub./Unikal.az
