25 yaşlı imam Əli Kaşif (Ali Kashif) İtaliyadan Pakistana (öz ölkəsinə) deportasiya edilib.
1xeber.media xəbər verir ki, buna səbəb Əli Kaşifin "Rete 4" kanalında yayımlanan "Fuori dal Coro" proqramı üçün gizli kamera ilə çəkiliş aparan müxbirə 9 yaşlı qızlarla evlənməyin mümkün olduğunu və bunun bir ənənə olduğunu bildirməsi olub. O, qızların 9, 10 və ya 13 yaşlarında yetkin sayıldıqlarını və 30-40 yaşlı kişilərlə evlənə biləcəklərini müdafiə edib.
Baş nazir Corciya Meloni bu hadisəyə sərt reaksiya verərək, uşaqların qorunması və italyan dəyərlərinə zidd olan radikal çağırışlara qarşı güzəştsiz mövqe nümayiş etdirib. Kaşif İtaliya hakimiyyəti tərəfindən dərhal deportasiya edilib.
