"Mənim gözləntilərim və fikrim budur ki, çox yaxın gələcəkdə Türkiyə ilə münasibətlərimizin tam normallaşması istiqamətində hər mərhələdə hiss olunacaq irəliləyiş əldə edəcəyik".
1xeber.media xəbər verir ki, bunu Ermənistanın xarici işlər naziri Ararat Mirzoyan deyib.
O, Ermənistan-Türkiyə münasibətlərinə toxunaraq, onların yaxın gələcəkdə tam normallaşacağına əminliyini bildirib.
Nazir Türkiyə ilə dialoqun davam etdiyini və Gümrü-Qars dəmir yolunun yenidən işə salınması üçün yaradılan işçi qrupunun görüşlərinin keçirildiyini xatırladıb: "Bununla belə, yaxın gələcəkdə tam normallaşmaya nail olacağımıza əmin olduğumu bildirmək istəyirəm."
Mən yalnız son inkişafdan bəhs edəcəyəm: indi Türkiyə ilə Ermənistan arasında gömrük baxımından birbaşa ticarət mövcuddur, coğrafi baxımdan isə bu, hələ də üçüncü ölkələrin ərazisindən həyata keçirilir".
XİN rəhbəri bildirib ki, iyunun 2-də Qarsda Ermənistan və Türkiyə iş adamları arasında çox ciddi görüş keçirilib. Görüş Ermənistan və Türkiyə Xarici İşlər Nazirliklərinin iştirakı ilə təşkil edilib: "Bu görüş əvvəlki işgüzar əlaqələrdən xeyli fərqlənirdi, çünki çox zəngin gündəm idi və eyni zamanda Türkiyənin üç şərq və şimal-şərq əyalətinin işgüzar dairələrində böyük maraq doğurdu."
Düşünürəm ki, bu, çox yaxşı başlanğıcdır və yaxın gələcəkdə ağlabatan müddət ərzində Ermənistan Respublikasında ikinci görüşümüzü keçirəcəyimizi gözləyirəm".
