Moskvanın Meşşanski Rayon Məhkəməsi YUKOS neft şirkətinin keçmiş rəhbəri Mixail Xodorkovskini 10 il müddətinə qiyabi olaraq azadlıqdan məhrum edib.
1xeber.media “RİA Novosti”yə istinadən xəbər verir ki, o, Rusiya Silahlı Qüvvələri haqqında saxta məlumatlar yaymaqda təqsirli bilinib.
Xodorkovski həmçinin 5 il müddətinə saytları və kanalları idarəetmə hüququndan da məhrum olunub.
Qeyd edək ki, YUKOS neft şirkətinin keçmiş rəhbərinə qarşı sosial şəbəkələrdə Rusiya ordusu haqqında saxta məlumatların yayılması işinin iki epizodu üzrə ittiham irəli sürülüb.
