İyunun 14-də səhər saatlarında Ağdam rayonunda mağazaya düşən ildırım yanğına səbəb olub.
1xeber.media xəbər verir ki, hadisə Ağdam rayonunun Qaradağlı kəndində baş verib. İldırım kənd sakini İbadov Fikrət Soltan oğluna məxsus mağazaya düşüb və yanğın başlayıb. Hadisə yerinə Fövqəladə Hallar Nazirliyinin Dövlət Yanğından Mühafizə Xidmətinin texnikaları və canlı qüvvəsi cəlb edilib. Yanğının yaxınlıqdakı evə keçməsinin qarşısı alınıb. Hazırda yanğının söndürülməsi üçün lazımi tədbirlər görülür.
