Erməni bloger Natali Aleksanyan Azərbaycan Prezidenti İlham Əliyevi ad günü münasibətilə təbrik edib.
1xeber.media Axar.az-a istinadla xəbər verir ki, bloger təbrik mesajını Feysbuk səhifəsində Azərbaycan dilində paylaşıb.
Ölkə başçısına xoş arzularını çatdıran Aleksanyan bildirib ki, bu gün sülh haqqında danışmaq üçün mühüm fürsət yaranıb:
“Sizi doğum gününüz münasibətilə səmimi qəlbdən təbrik edirəm. Sizə möhkəm cansağlığı, rifah və bütün təşəbbüslərinizdə uğurlar arzulayıram.
Bu gün bölgənin rifahına töhfə verən sülh, əməkdaşlıq və qarşılıqlı anlaşma dəyərlərini bir daha vurğulamaq üçün mühüm bir fürsətdir”.
