-
Amerikalı jurnalist Taker Karlson bəzi şəxslərin ABŞ-ı Rusiya ilə müharibəyə cəlb etməyə çalışdığını iddia edib.
1xeber.media xəbər verir ki, Karlson bu barədə RT-nin prodüseri Olqa Bataman və telekanalın əməkdaşı Tara Ridin iştirakı ilə yayımlanan East Meets West podkastında danışıb.
Onun sözlərinə görə, bu təşəbbüsün arxasında motivləri tam aydın olmayan, lakin məqsədləri təhlükəli olan kiçik bir qrup dayanır.
“Bu, motivləri tam aydın olmayan, lakin qaranlıq və ya pis niyyətli hesab edilə biləcək çox kiçik bir qrup insanın fəaliyyətidir”, – deyə Karlson bildirib.
Jurnalist əlavə edib ki, ABŞ cəmiyyətində ölkənin Rusiya ilə müharibəyə cəlb olunmasını dəstəkləyən geniş ictimai hərəkat mövcud deyil.
Xatırladaq ki, Taker Karlson bundan əvvəl Ukraynadakı münaqişənin gələcəkdə Avropa ilə Rusiya arasında silahlı qarşıdurmaya çevrilə biləcəyi barədə də fikir səsləndirmişdi.
Qeyd edək ki, xəbərdə yer alan fikirlər Taker Karlsonun şəxsi mövqeyini əks etdirir və rəsmi məlumat kimi təqdim edilmir.
