"Müstəqillik dövrünün təxminən 20 ilində Bakı səhiyyəsi kimi nəhəng iri orqana, çoxlarının "Bakzdrav" kimi tanıdığı BBSİ -nə ginekoloqlar başçılıq edib..."
1xeber.media xəbər verir ki, bunu öz açıqlamasında son günlər TƏBİB-də həyata keçirilən kadr dəyişikliyi ilə bağlı fikir yürüdən tanınmış tibb işçisi Faiq Məmmədli qeyd edib.
O daha sonra bildirir: "Mən o zaman mətbuatda yazmışdım, əvvəllər qadınları abort edən həmin ginekoloqlar indi də dövlət büdcəsini abort edərlər.
Son günlər TƏBİB-in yeni rəhbərliyinin işdən azad etdiyi və yeni direktor təyinatları bir növ "abort" sindromuna bənzəyir.
Yoxsa, Reabilitasiya Pansionatı, sosial ekspertizada işləyənlərin səhiyyənin təşkili, idarəedilməsi, menecmenti, maliyyələşdirilməsi, Tibbi sığorta, dispansarizasiya, Əmək Məcəlləsi və Səhiyyə qanunvericiliyində nə işi var?
Onu da qeyd edim ki, Azərbaycanda ginekoloqların sayı normadan 2 dəfə çox, təcili tibbi yardımda isə normadan təxminən 2,5 dəfə azdır.
TƏBİB ilk öncə bu"sirrin "diaqnozunu tapmalı, sonra da müalicə etməlidir..."
