"Ruslar kütləvi şəkildə Gürcüstana köçürülür. Heç Səfəvi hökmdarı Şah Abbasın zamanında belə işğal olmayıb".
1xeber.media xəbər verir ki, bunu Gürcüstanın hazırda həbsdə olan eks-prezidenti Mixail Saakaşvili deyib.
Onun sözlərinə görə, Gürcüstanın işğal tarixində Şah Abbas gürcüləri, xüsusən Kartli-Kaxetidə yaşayan əhalini köçürüb, onların yerinə başqa əhali yerləşdirərək Gürcüstanı gürcülərdən təmizləməyə çalışdığı vaxtdan bəri belə miqyasda bədbəxtlik yaşanmayıb: "Bu işğalçı Abbasdan sonra Gürcüstanın üzləşdiyi ən bədbəxt bir tarixdir.
Biz Şah Abbasa dözüb tab gətirdik, Vladimir Putinə getdikcə dözmək olmur. Gürcüstan heç vaxt düşmənləri qarşısında diz çökməyib, amma İvanaşvili höküməti bizi ən faciəvi duruma salıb.
Şah Abbas bizə dəfələrlə hücum etsə də, nə xalqın nə də hakimiyyətin iradəsini qıra bilməmişdi. İndi xalq dirənsə də, hakimiyyətin iradəsi tamamilə qırılmış kimi görünür".
