Rusiya Dövlət Dumasının Beynəlxalq məsələlər komitəsinin birinci sədr müavini Aleksey Çepa Avropadakı elitalar böhranı fonunda müasir Avropanı Veymar Almaniyası ilə müqayisə edib.
1xeber.media xəbər verir ki, Çepanın sözlərinə görə, Avropa daxili problemlərini həll etmək qabiliyyətini itirib və öz səhvlərini etiraf etmək əvəzinə günahkarı kənarda axtarır.
Deputat bildirib ki, Avropada Rusiyanın, hətta rus mədəniyyətinin belə “ləğvi”nə qədər gedən yanaşmalar müşahidə olunur.
Çepa həmçinin Avropanın ABŞ-la müqayisədə iqtisadi baxımdan zəiflədiyini və Amerika maliyyə kapitalının Avropanın bankları və iri şirkətləri üzərində nəzarətini gücləndirdiyini iddia edib.
Bundan əvvəl Avropa Komissiyasının rəhbəri Ursula fon der Lyayen Avropanın əvvəlki rifahının əsaslarını – Rusiya enerji resurslarını, Çin bazarını və Qərbin texnoloji üstünlüyünü itirdiyini etiraf etmişdi.
