Ermənistanın Baş naziri Nikol Paşinyanın Göyçə gölündən paylaşdığı görüntülər müzakirələrə səbəb olub.
1xeber.media xəbər verir ki, Paşinyan sosial şəbəkə hesabında Göyçə gölündə çimdiyini əks etdirən video paylaşıb. Videoda baş nazirin sudan çıxdıqdan sonra hamam xalatı geyinməsi diqqət çəkib.
Görüntülərə Ermənistan daxilində də müxtəlif reaksiyalar verilib. Xüsusilə müxalif düşərgənin nümayəndələri Paşinyanın paylaşımını tənqid ediblər.
Ermənistan Konstitusiya Məhkəməsi Aparatının keçmiş rəhbəri, “Hayastan” fraksiyasının üzvü Edqar Kazaryan Paşinyanın görüntülərinə ironik münasibət bildirib.
Kazaryan deyib ki, Paşinyan “göldə və ya dənizdə üzdükdən sonra hamam xalatı geyinən dünyada yeganə insandır”.
Qeyd edək ki, Paşinyanın Göyçə gölündə çimərkən çəkdirdiyi görüntülər sentyabrın 12-də sosial şəbəkədə yayımlanıb. Siyasətçilər ölkə rəhbərini qeyi-ciddi paylaşımlara görə qınayıblar. / musavat.com
