1xeber.media xəbər verir ki, Yaponiyanın baş naziri Sanae Takaichi Okinavada ABŞ dəniz piyadasının yerli qadının öldürülməsində şübhəli bilinməsindən sonra ABŞ hərbçilərinin davranışına qarşı sərt mövqe nümayiş etdirib.
Reuters-in məlumatına görə, hadisədən sonra Okinavadakı ABŞ qüvvələrinə gecə saatlarında komendant saatı tətbiq edilib və alkoqoldan istifadəyə qadağa qoyulub. ABŞ hərbi komandanlığı həmçinin şəxsi heyətin nizam-intizamı ilə bağlı 48 saatlıq xüsusi tədbir elan edib.
Yaponiyanın baş naziri hadisəni son dərəcə ciddi qiymətləndirərək ABŞ hökumətindən belə halların təkrarlanmaması üçün tədbirlər görülməsini tələb edib.
Hadisə Okinavada ABŞ hərbi bazalarının mövcudluğu ilə bağlı uzun müddətdir davam edən narazılıqları yenidən gündəmə gətirib. Adada Yaponiyadakı ABŞ dəniz piyadalarının böyük hissəsi yerləşir.
