“MDB ölkələrinin liderləri ümumi tarixin qorunmasının zəruriliyi ilə bağlı ayrıca bəyanat qəbul edəcəklər. Gənclər sovet dövründə birliyə daxil olan bütün xalqların nailiyyətləri haqqında həqiqəti bilməlidirlər”.
1xeber.media xəbər verir ki, bunu Rusiya Prezidenti Vladimir Putin MDB ölkələrinin liderlərinin Türkmənistanda keçirilən məhdud tərkibdə görüşündə bildirib.
“MDB ölkələrinin ümumi tarixin qorunması və onun saxtalaşdırılmasına yol verilməməsi istiqamətində birgə səylərinin nə qədər əhəmiyyətli olduğunu qeyd etmişəm. Gənclər xalqlarımızın Sovet İttifaqı dövründə əldə etdiyi nailiyyətlər, atalarımızın və babalarımızın Böyük Vətən müharibəsi (İkinci Dünya müharibəsini nəzərdə tutur - red.) illərində göstərdikləri qəhrəmanlıqlar haqqında həqiqəti bilməlidirlər”, - o vurğulayıb.
Putin qeyd edib ki, bu gün liderlər tərəfindən “tarixi yaddaşın qorunmasının zəruriliyi ilə bağlı qəbul ediləcək ayrıca bəyanat” da bu məqsədə xidmət edəcək.
