1xeber.media xəbər verir ki, Çin Ukrayna münaqişəsinin həllinə yönələn bütün səyləri dəstəklədiyini bəyan edib.
Rusiya və Ukrayna arasında enerji atəşkəsi barədə ABŞ Prezidenti Donald Trampın açıqlamasını şərh edən Çin Xarici İşlər Nazirliyinin rəsmi nümayəndəsi Mao Nin bildirib ki, Pekinin Ukrayna böhranı ilə bağlı mövqeyi ardıcıl və aydındır.
Diplomatın sözlərinə görə, Çin münaqişənin həllində dialoq və danışıqları yeganə real yol hesab edir və sülhə töhfə verən təşəbbüsləri dəstəkləyir.
Qeyd edək ki, Tramp daha əvvəl Rusiya və Ukrayna arasında enerji obyektlərinə zərbələrin dayandırılmasını nəzərdə tutan atəşkəsin qüvvəyə mindiyini açıqlayıb. ABŞ lideri hər iki tərəfin buna razılıq verdiyini bildirsə də, razılaşmanın detalları barədə ətraflı məlumat verməyib.
Bundan əvvəl, oktyabrın 9-da Tramp Rusiya Prezidenti Vladimir Putinlə telefon danışığı apardığını açıqlamışdı. Onun sözlərinə görə, tərəflər oktyabrda dünya və ABŞ bazarlarına 300 min ton, noyabrda 500 min ton, daha sonrakı mərhələdə isə 1 milyon ton dizel yanacağının tədarükü ilə bağlı razılığa gəliblər.
Çinin açıqlaması Pekinin Ukrayna münaqişəsinin siyasi-diplomatik yollarla həllinə dair mövqeyini bir daha ortaya qoyub.
