1xeber.media xəbər verir ki, Səudiyyə Ərəbistanının sahilləri yaxınlığında neft tankerinə iki naməlum mərmi və ya uçan obyektlə zərbə endirilib.
Böyük Britaniyanın Dəniz Ticarət Əməliyyatları Agentliyinin (UKMTO) məlumatına görə, hadisə noyabrın 1-də, yerli vaxtla deyil, UTC vaxtı ilə saat 23:47-də baş verib. Tanker Səudiyyə Ərəbistanının Ras əl-Xəfci limanından təxminən 72 dəniz mili şərqdə hərəkət edərkən zərbəyə məruz qalıb.
Hadisə nəticəsində ekipaj üzvlərinin hamısının təhlükəsiz olduğu, ətraf mühitə zərər dəymədiyi bildirilir. İnsidentlə bağlı araşdırma aparılır. Agentlik bölgədən keçən gəmiləri ehtiyatlı olmağa çağırıb.
