1xeber.media xəbər verir ki, Türkiyə Prezidenti Rəcəb Tayyib Ərdoğan Cənubi Koreyanın Sinop şəhərində planlaşdırılan atom elektrik stansiyasının tikintisində tərəfdaş kimi iştirak edə biləcəyini bildirib.
Ərdoğan Yonhap agentliyinə müsahibəsində Ankaranın layihənin texniki və iqtisadi şərtlərini Cənubi Koreyanın dövlət şirkəti Korea Electric Power Corporation ilə müzakirə etdiyini deyib.
Türkiyə tərəfi tərəfdaş seçərkən maliyyələşdirmə imkanlarını, elektrik enerjisinin qiymətini və layihənin ölkə iqtisadiyyatına verəcəyi faydanı nəzərə alacaq.
Ərdoğan həmçinin müdafiə sənayesi, yarımkeçiricilər, süni intellekt və robot texnologiyalarını iki ölkə arasında əməkdaşlığın perspektivli istiqamətləri kimi göstərib. O, Türkiyə ilə Cənubi Koreya arasında ticarət dövriyyəsinin 15 milyard dollara çatdırılmasının hədəfləndiyini bildirib.
