Mərhum şahmatçı Vüqar Həşimovun atası Qasım Həşimov II Fəxri xiyabanda dəfn olunacaq.
1xeber.media xəbər verir ki, bu barədə “Report”a Azərbaycan Şahmat Federasiyasının Mətbuat xidmətindən məlumat verilib.
O, yanvarın 9-da oğlunun yanında dəfn ediləcək.
Qeyd edək ki, ötən ilin dekabrın 3-ü yaşadıqları evdə baş verən partlayış nəticəsində Vüqar Həşimovun atası Qasım Həşimov və anası Aida Həşimova xəsarət alıb. Mərkəzi Neftçilər Xəstəxanasının Reanimasiya şöbəsində müalicə alan Q.Həşimov bu gün vəfat edib.
